चरिकोट । माथिल्लो तामाकोशी जलविद्युत आयोजना एक दिनका लागि बन्द हुने भएको छ । अपर तामाकोशी हाइड्रोपावर लिमिटेडले एक सूचना प्रकाशित गर्दै यही साउन ३१ गते आयोजना बन्द हुने जनाएको छ ।

जलविद्युत केन्द्रको जलाशय सफा गर्नका लागि ३१ गत विहान ५ बजेदेखि राती ८ बजेसम्म आयोजना बन्द हुनेछ । उक्त अवधिमा तामाकोशी नदीमा पानीको सतह घटबढ हुने भएकोले सतर्क रहन तल्लो तटिय क्षेत्रका स्थानीयलाई आयोजनाले आग्रह गरेको छ ।

तामाकोशी नदी तटिय क्षेत्र लामाबगर, छेतछेत, गोंगर, जगत, टुनिटार, जामुने, भोर्ले, सिंगटी, नयाँ पुल, किर्ने, खिम्ति सहित सुनकोशी नदीको दोभानसम्म माछा मार्ने, नुहाउने, पौडी खेल्ने, लुगा धुने, वस्तुभाउ लैजाने, गिटीवालुवा निकाल्ने जस्ता कार्य नगर्न र नगराउन आयोजनाले सूचित गरेको छ ।