पार्टी एकताको विकल्प नभएको एमाले माधब समुहको निष्कर्ष

राजनीति

गृहपृष्ठ
राजनीति
पार्टी एकताको विकल्प नभएको एमाले माधब समुहको निष्कर्ष

पार्टी एकताको विकल्प नभएको एमाले माधब समुहको निष्कर्ष

बुधबार, साउन ६, २०७८ साझावोली संवाददाता

काठमाडौं - नेकपा एमालेको माधवकुमार नेपाल समूहले पार्टी एकता गर्नुको विकल्प नभएको निष्कर्ष निकालेको छ । उक्त समुहका सहित २२ एमाले सांसदले प्रधानमन्त्री शेरबहादुर देउवालाई विस्वासको मत दिएपछि पहिलो पटक बसेको बैठकले यस्तो निष्कर्ष निकालेको हो ।

बैठकले बरिष्ठ नेता नेपालसहितका नेताहरुविरुद्ध सडकमा भइरहेको बिरोध र नाराबाजी रोकेर एकताका लागि गम्भीरताका साथ प्रयास गर्न आग्रह गरेको छ । बैठकपछि एमाले सचिव भीम आचार्यले पार्टी एकता प्रक्रियालाई अगाडि बढाउनुपर्नेमा जोड दिएको जानकारी दिए । बैठकमा उपाध्यक्ष भीम रावल भने सहभागि भएनन् । ‘

एकता वार्ता चलिरहेको र १० बुँदे सहमति बुझाएको अवस्थमा स्पष्टीकरण सोध्ने र वरिष्ठ नेता माधवकुमार नेपालविरुद्ध नारा जुलुस गर्ने एवं पुत्ला जलाउनुका साथै संविधान र सर्वोच्च अदालतको फैसला अनुरुप आफ्नो विवेक प्रयोग गरेर विश्वासको मत दिने सांसदहरुलाई आतंकित पार्ने र उनीहरुविरुद्ध उत्तेजक गतिविधि र नाराबाजी गर्ने काम तत्काल रोकिनुपर्छ, बैठकद्वारा पारित प्रस्तावमा भनिएको छ, यस्ता गलत र उत्तेजक कार्यविरुद्ध खेद व्यक्त गर्दै यस्ता गतिविधिलाई तत्काल रोकेर पार्टी एकताको कामलाई गम्भीरताका साथ अगाडि बढाउन यो बैठक पार्टी अध्यक्ष कमरेडको ध्यानाकर्षण गराउँछ ।’

प्रकाशित मिति: बुधबार, साउन ६, २०७८ १९:५३