प्रचण्ड, देउवा र शेखरबीच गठबन्धन कमजोर हुन नदिने सहमति
काठमाडौं । नेपाली कांग्रेस र नेकपा माओवादी केन्द्रका नेताहरुबीच गठबन्धनलाई निरन्तरता दिने सहमति भएको छ । सत्ता गठबन्धनलाई कमजोर हुन नदिने दुई दलबीच सहमति भएको हो ।
प्रधानमन्त्रीसमेत रहेका माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र कांग्रेस नेता डा. शेखर कोइरालाले गठबन्धनलाई कमजोर हुन नदिने सहमति गरेका छन् ।
आज बिहान तीन नेताबीच भएको बैठकले वर्तमान सत्ता गठबन्धनलाई कुनै पनि हालतमा कमजोर हुन नदिने लिखित सम्झौता गरेको प्रधानमन्त्रीको सचिवालयले जनाएको छ । कोसी प्रदेशमा पनि सहमति गरेर अगाडि बढ्न तीन नेता सहमत भएका छन् ।
कोसीमा सत्ता गठबन्धनको निर्णयविरुद्ध शेखर पक्षका केदार कार्की आज मुख्यमन्त्रीमा नियुक्त भएका छन् । उनी एमाले सांसद्को समर्थनमा मुख्यमन्त्री भएका हुन् ।
प्रकाशित मिति: शनिबार, असोज २७, २०८० १२:०१
प्रतिक्रिया दिनुहोस्
थप राजनीति
साताको लोकप्रीय
