काठमाडौं । सरकारले एक महिनाको अवधिमा ४० अर्ब बढी सार्बजनिक ऋण उठाएको छ । ब्याजदर न्युन भएको कारण सरकारले आर्थिक वर्षको पहिलो महिनामै ४० अर्ब रूपैयाँ आन्तरिक ऋण उठाएको हो।

यस अवधिमा ४ अर्ब ५७ करोड रूपैयाँ वैदेशिक ऋण भित्रिएको सार्वजनिक ऋण व्यवस्थापन कार्यालयको तथ्यांक छ । कार्यालयको तथ्यांक अनुसार सरकारले साउन महिनामा विगतको ६ अर्ब ६१ करोड रूपैयाँ ऋण फिर्ता गरेको छ। त्यस्तै, ५ अर्ब ४३ करोड रूपैयाँ ब्याज भुक्तानी गरेको छ।

साउनमा थपिएको ऋणसहित सरकारले तिर्नुपर्ने कुल ऋण २६ अर्ब ८३ करोड रूपैयाँ पुगेको छ। यसमध्ये १२ खर्ब ८१ अर्ब रूपैयाँ आन्तरिक ऋण हो भने १४ खर्ब २ अर्ब रूपैयाँ बाह्य ऋण हो।