चरिकोट - नेपाल पत्रकार महासंघ दोलखा शाखाको बहुदेश्यीय पक्की भवनका लागि डेढ सय भन्दा बढि दाताले सहयोग गरेका छन् । भवनका लागि १ सय ६२ भन्दा बढि संघसंस्था र व्यक्तिहरुले झण्डै साँढे ६७ लाख रुपैयाँ बरावर आर्थिक सहयोग गरेका हुन् । ती दाताहरुबाट जुटेको सहयोगले पक्की भवनको एकतल्ला निर्माण कार्य सम्पन्न भएको छ । भवनको एकतल्ला निर्माण कार्य सम्पन्न भएसँगै महासंघले आफ्नै भवनबाट कार्यालय संचालन सुरु गरेको छ ।

केही साताअघि परम्परागत विधिपुर्वक पुजाआजा गरी कार्यालय प्रबेश गरिएको हो । शाखाका अध्यक्ष जिवन लामाका अनुसार भवनको औपचारिक उद्घाटन भने आगामी बैशाख महिना भित्र गर्ने तयारी गरिएको छ ।

‘दाताहरुको नैतिक, आर्थिक, जिन्सि लगाएतका सहयोगकै कारण महासंघ आफ्नै भवनबाट कार्यालय संचालन गर्न सफल भएको छ, अध्यक्ष लामाले भने, ‘आगामी वैशाखमा भवनको उद्घाटन गर्ने तयारीमा छौँ ।’ 

भवन निर्माणका लागि हालसम्म कुल ६७ लाख ५७ हजार १५ रुपैयाँ बरावरको आर्थिक सहयोग जुटेको महासंघको बिवरण छ । एकतल्लासम्म निर्माण कार्य सम्पन्न गर्न उक्त रकम खर्च भएको महासंघले जनाएको छ । दाताहरुले नगद बाहेक सिमेन्ट, वालुवा, गिट्टी लगाएतका जिन्सि सामान पनि सहयोग गरेका छन् । 

सदरमुकाम चरिकोट स्थित लामाचौरको दुई सय वर्गमिटर क्षेत्रफलमा महासंघको भवन निर्माण भएको हो । विभिन्न व्यक्ति तथा संस्थाहरुले आफ्नो बार्षिकी, जन्मदिन, पुरस्कार,, तलवभत्ता बापतको रकम महासंघको भवन निर्माणका लागि सहयोग प्रदान गर्दै आएका छन् । महासंघका पुर्ब अध्यक्ष राजेन्द्र मानन्धरको कार्यकाल देखिनै भवन निर्माणका लागि आर्थिक सहयोग संकलन अभियान सुरु गरिएको थियो ।

भवन निर्माणको लागि सहयोग गर्ने दाताहरुलाई सहयोगका आधारमा सम्मान गरिनेछ । पाँच सय भन्दा माथि सहयोग गर्ने दातालाई रसिद र प्रमाणपत्र पाँच हजार माथि सहयोग गर्नेलार्य सम्मानपत्र र दोसल्ला, दश हजार माथि सहयोग गर्नेलाई सम्मानपत्र र शिलालेखमा नाम, पचास हजार भन्दा माथि सहयोग गर्ने दातालाई ताम्रापत्र र शिलालेखमा नाम, तीन लाख भन्दा बढि सहयोग गर्नेलाई स्वर्णपत्र सहित विशेष सम्मान र १० लाख भन्दा माथि सहयोग गर्ने दातालाई स्वर्णपत्र सहित उसले चाहेको व्यक्तिको नाममा कक्षसहित फोटो राख्ने जनाईएको छ ।

पत्रकार महासंघ दोलखा शाखाले सुचना केन्द्र, फोटा ग्यालरी, तालिम हल, पस्तकालय, संग्रहालय सहित अत्याधुनिक भवन निर्माणको परिकल्पना गरेको छ । भवनको अगाडी पार्क समेत बनाउने तयारी छ । 

भवन निर्माणका लागि हालसम्म नगद सहयोग गर्ने दाताहरुको नामावली :