काठमाडौं । अरनिको यातायातको वसमा स्कुटर ठोक्किँदा दुई जनाको मृत्यु भएको छ । काठमाडौंको जडिबुटीमा रोकिराखेको बसमा स्कुटर ठोक्किएर दुर्घट्ना भएको हो । मृत्यु हुनेमा स्कुटर चालक नवलपरासीको सुनौल–१ स्थायी घर भइ हाल भक्तपुरको लोकन्थली बस्ने २२ वर्षीय शिरिस पौडेल रहेका छन् । उनलाई बिहान साढे ३ बजे डाक्टरले मृत घोषणा गरेका थिए।

यस्तै स्कुटरको पछाडि सवा काभ्रेपलाञ्चोक पाँचखाल–२  होस्के घर भएका वर्ष २३ को नितेश नेपाललाई बिहान ३ः४७ बजे डाक्टरले मृत घोषणा गरेका थिए। शुक्रबार बिहान २ः५० बजे जडिबुटीस्थत आकाशे पुल नजिकै सडकछेउमा रोकिराखेको बा प्र ०१,००६ ख ४२४३ नम्बरको अरनिको यातायातको बसको पछाडिपट्टिको भागमा स्कुटर ठोक्किएको थियो।

कोटेश्वरबाट जडिबुटीतर्फ जाँदै गरेको लु ४३ प ४९३८ नम्बरको स्कुटर बसको पछाडिको भागमा ठक्कर खाँदा स्कुटर चालक र पछाडी सवार व्यक्ति  दुवै घाइते भएका थिए। प्रहरीका अनुसार घाइते दुवैलाई तत्काल ट्रमा सेन्टर लगिएकोमा उनीहरुको उपचारका क्रममा मृत्यु भएको हो।

बस चालक दोलखाको भिमेश्वर नगरपालिका–७ घर भइ हाल काडाँघारी बस्ने वर्ष २५ को सुभाष तामाङलाई नियन्त्रणमा लिएर घटनाको अनुसन्धान अगाडि बढाइएको प्रहरीले जनाएको छ ।