चरिकोट । दोलखाको वैतेश्वर गाउँपालिका वडा नम्बर १ गैरीमुदीमा करेन्ट लागेर एक महिलाको मृत्यु भएको छ । मृत्यु हुनेमा ५५ बर्षिया सिता गिरी रहेकी छन् ।

राइस मिलमा पिठो पिस्न गएकी उनको करेन्ट लागेर मृत्यु भएको प्रहरीले जनाएको छ । पिठो लिन मिल पुगेकी उनलाई एक्कासी करेन्ट लागेको र घट्नास्थलमै मृत्यु भएको स्थानीयले जानकारी दिएका छन् ।

उनी आईतवार दिउँसो पिठो पिस्न मिल पुगेकी थिईन् । उनलाई कसरी करेन्ट लाग्यो भन्ने बारे खुल्न नसकेको स्थानीयको भनाई छ । सिताको शव जलको अवस्थामा फेला परेको छ ।