काठमाडौं । यही भदौ २९ गतेदेखि दसैँका लागि नयाँ नोट साट्न पाईने भएको छ । भदौ २९ गतेदेखि असोज १० गतेसम्म सुकिला नोट साट्न पाइने नेपाल राष्ट्र बैंकले सूचना मार्फत जानकारी गराएको छ । 

जारी सूचना अनुसार राष्ट्र बैंकको मुद्रा व्यवस्थापन विभागको थापाथलीस्थित कार्यालयका साथै प्रदेश कार्यालयहरू विराटनगर, जनकुपुर, वीरगञ्ज, पोखरा, सिद्धार्थनगर, नेपालगञ्ज र धनगढीबाट सहटी गर्न सकिनेछ ।

यस्तै, इजाजत प्राप्त क, ख, र ग वर्गका बैंक तथा वित्तीय संस्थाका शाखा कार्यालयहरुबाट सर्वसाधारणका साथै संघरसंस्थालाई कारोबारको समयमा नोट सटही हुनेछ । यस वर्ष घटस्थापना ६ गते, फुलपाती १३ र विजया दशमी असोजको १६ गते परेको छ ।