चरिकोट । अविरल वर्षासँगै खोलामा आएको बाढीले दोलखाको सुनखानी–साङवा सडक अबरुद्ध भएको छ । कालिञ्चोक गाउँपालिका–६, स्थित मुङ्चाखोलाको डाईभर्सन बगाएपछि सडक अबरुद्ध भएको हो । उत्तरी क्षेत्रको मुख्य प्रवेशमार्ग सडक अबरुद्ध भएपछि जनजिवन प्रभावित भएको छ ।

सडक अवरुद्ध हुँदा सदरमुकाम चरिकोट आउने र उत्तरी क्षेत्रतर्फ जाने सवारी आवागमन रोकिएको छन् । स्थानीयका अनुसार गयराती अविरल वर्षापछि आएको बाढीले खोलाको ढलान पुल बगाउनुका साथै दुई गोठमा क्षति पुगेको छ । पोल ढल्दा विद्युत आपुर्ति समेत अबरुद्ध भएको छ ।